vivenz|iSKOLAR

ViVENZ [dot]PEYUPi.com

2005-05-13T16:05:00.000+08:00

VIVENZ

+

[dot]PEYUPi.com

=

vivenz.PEYUPi.com

OO! LUMIPAT NA AKO NG BAHAY AT AKO AY INAMPON NG SINTANG SAYBERSPEYS NG PEYUPi.com! SALAMAT SA BLOGGER! KITA TAYO DUN!

UNDER CONSTRUCTION!

2005-04-07T18:34:00.000+08:00

UNDER CONSTRUCTION!

ABANGAN! ang PAGBABALIK!

MADUGO

2005-02-15T18:59:00.000+08:00

MADUGO

Kaalinsabay ng pagdiriwang ng Valentayns Day kahapon ay ang sunud-sunod na pagsabog sa iba't ibang parte ng bansa. Isa na rito ang kahabaan ng EDSA cor. Ayala sa Makati. Ayon sa balita isang bus ang sumabog na yumanig sa mga katabi pa nitong bus at ilang katabing establishment na nagiwan ng dalawang nagliliyab na bus sapagkat nadamay na rin ang katabi nitong mga Bus. Ayon sa ulat ng inq7.net pito ang tinatayang patay sa pambobomba at 151 ang sugatan kasama na dito ang nasaktan, nasugatan at napatay sa pambobomba sa Davao at General Santos City. Marami ngayon ang naghaka-haka ukol sa kung sino ang nagpasimuno ng karahasang ito. Ang iba ini-lilink ito sa kasalukuyang nagaganap na matinding opensiba ng pamahalaan sa break-away forces ni Nur Misuari, ang iba naman ay nagsasabing isa na naman itong terrorism attack ng Al Quedaa at ang iba sa di pa ring mamatay-matay na Abu Sayyaf Group. Ano man ang kasagutan, isa lang ang nabuo sa isip ko, marami na naman ang nadamay na sibilyan sa isang walang kakwenta-kwentang karahasan. Madugo! Walang kalaban-laban!

Ayon sa huling ulat sa pambobomba sa Makati, meron nang na-identify na suspek. Isang cartographic sketch ang nilabas ng pulisya na sangkot sa nasabing pangbobomba. Narito ang larawan. Kung kilala o alam ang kinaroroonan ng nasa larawan maaaring ipagbigay alam sa pulisya. Naglaan na ang Hepe ng Philippine National Police na si Director General Edgardo Aglipay ng P500,000 piso(9,200 dolyar) sa sinumang makapagbibigay ng impormasyon sa kinaroroonan ng tao sa larawan. Sinasabing ang suspek ay may fair complexion, 5'4 hanggang 5'6 ang taas. Katamtaman ang pangagatawan, naka-puting t-shirt at puti ring sapatos.

Para sa mga bagong balita mag-tune in lamang sa mga radyo at pahayagan asahan din ang maraming TV coverage!

Ito po ang inyong tagapagbalita, Ventot, naguulat!

VALENTAYNS

2005-02-15T18:15:00.000+08:00

VALENTAYNS

Dapat sana mag-uupdate ako kahapon, February 14, Monday, kaso wala na akong pera pang-rent. Tangi kong dala eh perang pamasahe pauwi ng bahay! Sayang! Ang dami ko pa naman naiisip na topic ukol sa Valentines Day! Anyway, kahit huli ang update ko ok parin kasi kapupulutan pa rin ng umaatikabong kaalaman ang blog na ito.

Magumpisa tayo sa LOVAPALOOZA 2. Ayon sa aking balita mukhang patok na naman ang ginawang ito ng pamahalaang Maynila at ng kilalang brand ng toothpaste. Ayaw kong pangalan baka magkaroon pa sila ng libreng advertisement dito sa blog ko! Ginanap ang nasabing event hindi lang sa Maynila kundi sa iba pang parte ng bansa. Sa nakaraang LOVAPALOOZA 1, napagtanto ko na LIBERATED na talaga ang mga PINOY dahil malaya na nilang nalalantad ang kanilang paghahalikan sa PUBLIKO. Wala na ang Public Display of Affection (PDA) dahil magiging normal na ito ngayon. Eh ang SEX kaya ganun din ang magiging kapalaran?

Naalala ko nung nag-aaral pa ako sa PUP sta. mesa madalas mag-trapik kapag ganitong katorse ng Pebrero. Madaming jeep, madaming private vehicle at maraming taxi. Pero napansin ko noon na mas maraming Taxi na lumiliko sa kung saan. Uhm... Kadalasan ang laman ng mga Taxi eh madalas nakayuko. Nahihiya siguro.

Normal na araw sa akin ang ika-katorse wala gaanong nangyari. Umuwi lang ng maaga, natulog ng maaga para makagising ng maaga. Ganyan talaga, Masaya!

BADDICTS

2005-02-13T16:20:00.000+08:00

BADDICTS

Nakikita niyo ba yang picture na ito. Kuha yan habang nagba-Badminton kami ng officemate ko sa Badminton Court malapit sa Toss&Smash na matatagpuan sa kanto ng Aurora Blvd. at Mangga road. Pero ano ang rason ko bakit ko ipinaskil ang picture na ito eh hindi nga kita dito ang mukha ko. Well, hindi un ang nais kong iparating, kung mapapansin niyo sa ibaba ang petsa ng larawan. Dated 07-03-04, as in July 30, 2004 eto ang istorya... Simula ng July 30, 2004 hindi na muli ako nakasama sa Badminton gimmick ng mga ka-officemate ko. Ibig sabihin 7 months na akong hindi nakakapaglaro. Biruin mo yon antagal na panahon din iyon. Samantalang ang mga ka-officemate ko na kasabayan ko eh..BADDICTs na sa Badminton. Kapag Baddict ka na lahat ng luho ng paglalaro ng Badminton gagawin mo para masunod lang ang layaw mo sa paglalaro. Nariyang bumili ka ng halos halagang 2 libo para sa one-piece na badminton racket. Andyan ang pagbili mo ng indoor shoes na hindi mo gagamitin na panglakad dahil panglaro mo lang ito. Bibili ka rin ng mga mamahaling gadgets for playing Badminton at ang pinakahuli dito ay sasali ka sa Tournament na may registration fee na 600 kasama na ang t-shirt w/ guaranteed 3 plays na matatalo dahil magagaling ang kalaro at di kayo magkasundo ng co-player mo.
Naku! Buti na lang hindi ako naging BADDICTs ang gastos! Pero ito ang problema ko, tumataas ang timbang ko, nyaks! Wala kasing ginagawa! Naku! kailangan may gawin muli kaya napagdesisyunan ko na bumalik sa paglalaro! SOLUSYONG MAGASTOS!

BUSOG

2005-02-09T18:29:00.000+08:00

BUSOG

Busog ako kanina... Nagdaos nang unting salu-salo ang Research Dept. at ginanap iyon sa Little Asia Tomas Morato. Fave ko ung pinagmamalaki nilang crispy spring chicken. Naparami nga yata ung nakain ko. Nakalimutan ko ung name nung fried rice nila. Ang sarap kasi kaya siguro nakalimutan ko. hehehe! Ano pa ba sasabihin ko parang wala na pinapahaba ko lang itong mga salita para medyo proportionate sa picture hehehe! Mahilig din akong mang-inggit lalo na pagdating sa pagkain. Nyaks! Ang sarap talaga ng libre!

Haay! ang sarap balik-balikan! Nga pala, meron akong ginagawang artik-serye pinamagatan ko itong iSKOLAR. Kung dumadalaw kayo ng PEYUPi.com tiyak kahit papaano nahagip na ng mga mata ninyo ang Changes na gawa ni MHYLO a.k.a. Dave at ang SAAN? ni Tim a.k.a BOB. Dahil naging tradisyon na yata ang paggawa ng artik-serye, bilang pagsunod gumawa ako ng sarili ko. Ang iSKOLAR ay tumatalakay ng mga iskolar ng bayan. Tumatalakay rin sa mga estudyanteng mulat sa kalagayan ng bansa at handang ipaglaban ito. Para rin sa mga estudyanteng walang pakialam sa mundo at mga lider-lideran sa student council. Ah basta ayaw kong magbigay ng unting hinuha dito. Masyado kasing aksaya sa oras nasa Computer Shop lang kasi ako ngayon. HEHEHE!

Honga pala ang link sa artik-serye na iSKOLAR sa susunod na lang masyadong gahol sa oras ngayon. Kasalukuyan din kasi akong nagchachat sa PEYUPi.

tuwa

2005-02-03T19:16:00.000+08:00

TUWA

Nakikita nio ba ung nasa kaliwang parte ng blog ko. Hindi ung picture ko, alam ko cute, kaya wag mo pagdiskitahan, ung PEYUPi On the Cover eMagazine. Nabasa mo ba ung nakasulat, kung hindi pa basahin mo kasi muna, ok yan. Kung nabitin ka at gusto mong ipagpatuloy ang pagbabasa, maaari mong i-click ang link dyan sa bandang ibaba ng blurb. Well, kung nagtataka kung ano nanamang pakulo iyan, nagkakamali ka hindi yan chain letter na kailangan mong i-pass sa sampung tao para mabuhay ka lang. Isang artikulo iyan na ginawa ko para sa PEYUPi.

Nagtataka ka ba? Well, kung hindi mo naitatanong isa akong active member ng PEYUPi. Umaatend ng mga EB, nagrereply sa mga forums at nagchachat sa LOUNGE. Napakasaya dun ang kukulit ng mga tao parang ako. Marami ring magagaling magsulat gaya ko. hehehe. Joke lang! Honga pala kung gusto mong sumali sa pinakabagong kinahuhumalingan ng barkadahang PEYUPi aba wag ka nang magpahuli, i-click na ang link ng PEYUPi dyan sa kaliwa at habang buhay ka nang payapa.

Ngayon nga palang FEBRERO may binabalak na isang malaking event ang PEYUPi, kapag sinabi kong malaki as in malaki, malaki ang venue! Kasi nga patuloy na kaming dumarami at di na kaya sa mga maliliit na place. Kaya nais namin itong ganapin sa isang malawak at malaking place tulad ng WOW WOWee PHILIPPINES. Gusto mo bang sumama? Aba magpamember ka muna, di ung basa ka lang ng basa ng blog ko. hehehe nwei, maganda rin yan.

Malapit ko nang makamit ang ika-1,000 hits achievement sa akin yan pagnagkataon biruin mo, ikaisanlibong beses ko nang binabalik-balikan ang site ko! hehe ako lang pala ung 1,000 visitor na iyon. :D

LUMBAY

2005-02-03T18:57:00.000+08:00

LUMBAY

PEBRERO na naman! At sa tuwing Pebrero isa lang naman ang naiisip ng lahat ang VALENTINES DAY! Pagkatapos pa lamang ng New Years day pinaguusapn na yang buwan na iyan. Sa PEYUPi forums nga puro love article, love discussions at lovvy dovey. Well, di ko naman masisisi ang ilan kung excited sila sa araw na iyon. Araw nga naman ng mga PUSO, araw ng mga magkakasintahan, araw ng magkaka-ibig-an at araw ng mga taong nanliligaw at nililigawan. Pero siempre inde lang naman ito tungkol sa mga magkakapartner, pwede rin ang mga grupu-grupong magkakaibigan. Mga grupo ng walang partner at ang inaasahan na lamang ay ang mga kaibigang matapat at maaasahan. Pero paano kung wala rin sila rito. Mga kaibigang dapat karamay mo sa oras na kailangan mo sila, sa oras na malamig ang gabi, sa oras na walang laman ang bituka at bulsa. Haaaay!

Inuman sa Kapaskuhan!

2005-01-09T15:59:00.000+08:00

Inuman sa Kapaskuhan!

Sa tuwing darating ang kapaskuhan dito sa aming barangay na puno ng tambay, hindi nawawala ang mga lamesang nakahambalang sa daan at ang grupu-grupong nagpapalitan ng tama sa katawan. OO tama ka! Inuman na naman!

Inumang magdamagan, inumang arawan at inumang lingguhan lahat iyan present sa aming pamayanan. Kadalasan sinasabayan din ng unting kantahan para di mamalayan ang nakakabangengeng lasingan. Halos araw-araw simula nung Pasko hanggang bagong taon walang tigil ang pagtaob sa mga bote ng Gin, Fundador, Beer at kung anu-anong pang inuming nakakalasing. Nakahambalang sa mga daan na waring di-alintana ang mga taong nagdaraan.

Sa bawat kabahayan din, may sari-sariling mini-inuman. Ito ay kinatatampukan ng mga binatilyo at kabataang susunod sa yapak ng mga sunog-baga ng lipunan. At siempre, di nakaligtas ang aming kabahayan. Sa may bandang likuran ng aming tahanan, naglatag na ng mesang paglalagyan, mga basong tutunggaan at siempre ang mga alak na pagtatagayan. Inuman na naman!

Masarap din dahil may mga kwentuhan, minsan nga bolahan na lang at kadalasan yabangan. Para kang nasa Bulagaan, na ganito ang linyang bibitawan wala ka sa lolo ko sabay susundan ng ganitong hirit mas astig ang lolo ko Minsan nakakatawa, minsan nakakatuwa, minsan nakakalungkot, minsan nakakaiyak at minsan din nakakapikon. Minsan buhay-buhay, minsan buhay-pagibig, minsan pati buhay ng kapit-bahay napagkwekwentuhan.

Magdamagan ang labanan, ang sumuka talo, ang matulog talo at ang matira, matibay at babansagang Sunog-Baga ng grupo. Mula alas-dose ng tanghali hanggang alas-dose rin ng hapon kinabukasan. Daig ang dose oras ng pabrikang pakyawan. Walang tulugan, walang humpay ang tagayan. Animo ay Muro-Ami ang tipanan walang matutulog hanggat hindi pa pumapatak ang huling patak ng boteng inuman

Nauuna kadalasan maubos ang pulutan, paano ba naman nilalantakan din iyon ng mga batang nagdaraan at nakikikurot sa handang pulutan. Matapos ang inuman, tumba na ang mga bote, tumba na ang mga baso, tumba na ang mesa at tumba na rin ang mga nag-inuman. Tulog naman ang labanan, pambawi sa lakas na pinawalan at tiyak kinabukasan, panibago na namang serye ng inuman.

Pagsikat ng araw, kumpulan na naman. Para bang nagbabadya ng panibagong pagdiriwang ng Kapaskuhan. Nagbabadya ng labanan, nagbabadya ng tagayan, nagbabadya ng Inuman!

At mga ilang sandali pa, sa bandang likuran muli ng aming tahanan, naglatag ng mesang paglalagyan, mga basong tutunggaan at siempre ang alak na pagtatagayan. Eto na naman, umpisa na naman ng labanan, umpisa na naman ng tagayan, umpisa na naman ng Inuman!

Ako daw

2005-01-09T10:54:00.000+08:00

UHMM..AKO DAW ITO..

You Are a Visionary Soul

You are a curious person, always in a state of awareness.
Connected to all things spiritual, you are very connect to your soul.
You are wise and bright: able to reason and be reasonable.
Occasionally, you get quite depressed and have dark feelings.

You have great vision and can be very insightful.
In fact, you are often profound in a way that surprises yourself.
Visionary souls like you can be the best type of friend.
You are intuitive, understanding, sympathetic, and a good healer.

Souls you are most compatible with: Old Soul and Peacemaker Soul

What Kind of Soul Are You?

PLUGGING

2004-12-28T07:33:00.000+08:00

PLUGGING

Inilibas na ang bagong aklat ni BOB ONG!
Ang ALAMAT NG GUBAT...

Presyo: P100 pero kung bibili ka sa Visprint Publishing P80 lang. Mabibili rin sa pinakamalapit na Sari-sari Store...este bookstore...

Wag nang magpahuli....Grab a Copy NOW!
Royalties from the sales of the book will go to:
National Center for Mental Health (NCMH)
9 de febrero, Mandaluyong City:)

magBLOG!

2004-12-27T16:46:00.000+08:00

Kapag Walang Magawa, magBLOG!

Sa paghahanap ng magagawa at mababasa sa sapot ng kung anu-ano, napadpad ako sa Philippine Blog Awards: Where Filipino Bloggers get regcognized!. Ilang beses na rin akong nakabisita dito pero ngayon ko lang mas ninais magtagal. Ito ay sa kadahilanang inilabas na nila ang mga nagwagi sa2004 Philippine Blog Awards.

At dahil nga sa pagtingin-tingin ko sa mga naggagandahang designs ng mga nagwaging blog napadpad ako sa site ni Kuya BatJay ang Kwentong Tambay: Mga kwento ng isang tambay na engineer sa Singapore. Nasiyahan ako sa pagbabasa ng kanyang mga sinulat parang baliw na tinatawanan ang computer nakakahiya tuloy sa mga ka-office mates ko. Sa pagliliwaliw na iyon sa site ni Kuya Bat Jay napapindot ako at napadpad sa PinoyBlog: The Philippines according to Blogs. Nagbasa, napaisip, nakitawa, nakingiti, at nakijoin na rin ako habang nasa piling ng sapot na iyon. Nakibasa sa mga post ng mga pinoybloggers at sa tingin ko nga mga bigshot na ung mga miembro nila. Andun din kasi yung mga bloggers na madalas kong bisitahin ang blog ng hindi nila alam. Napaisip din tuloy ako kung sasali ako sa organisasyong iyon kasi nga naman, di hamak na ang gaganda ng mga design nila at ang gagara pa ng mga lenggwaheng ginagamit..puro wikang banyaga maliban lang ata kay Kuya Bat Jay at sa ilan. Mabalik tayo kay Kuya Bat Jay, sa pagbabasa ko kasi sa mga akda niya di ko mapigilan ang mapatawa at mapangiti at halos gumulong na rin sa mga kwento niyang pinaglalagay blog niya. Kaya pumili ako ng favorite kwento:

UMUUTOT DIN BA ANG ISDA? ni BatJay

"maaga akong nagising kanina dahil alas sais ng umaga ang flight ko. alas kwatro y medya pa lang ay pababa na ako sa hotel lobby. pag sakay ko ng elevator ay hindi ko napigilan na mautot. iniisip ko, maaga pa naman... sana wala akong makasabay. medyo mabaho kasi. sa sobrang bahu nga eh pati ako ay nabahuan. siguro kasi enclosed ang space. isa pa ay di ko nailabas ang kinain ko kagabi but let's not go there. anyway, nautot nga ako at ok na sana dahil ako lang mag-isa sa elevator. kaya lang a few floors after i farted, biglang bumukas ang pinto at may pumasok na stewardess sa emirates airline. nginitian niya ako pero bigla siyang napahinto at sumimangot. palagay ko ay naamoy rin niya ang utot. sasabihin ko sana eh - "nakikiamoy ka na nga lang, ikaw pa ang galit". kaya lang, di ko alam itong sabihin sa english kaya dinedma ko na lang siya at yumuko. pag bukas ng pinto sa lobby ay tumakbo na lang ako papalabas. sana di ko na siya makita ulit."

Napahalakhak talaga ako sa upuan ko at kamuntik na ring mapautot. (hahaha.) At dahil nga sa pagbabasa na iyon minabuti ko na ring makiJoin sa PinoyBlog parang gusto ko ngang pumunta sa Cabalen sa Christmas Party nila at aantayin kong magsayaw sa ibabaw ng mesa si Kuya BatJay (hehehe).
Mukhang marami pa akong matutuhan sa pagsali sa PinoyBlog at sana mabigyan nila ako ng pera, este ng mga tips pala on how to be a good blogger at mabiyayaan ng unting kagalingan sa pagsulat tulad nila.

blogger archiving

2004-12-26T10:13:00.000+08:00

SALAMAT sa ARCHIVING ng BLOGGER!

Inaayos ko na ang mga nakakalat kong artikulo sa blog na ito. Kung inyong napasin dalawang post na lang ang nakalagay, iyan ay sa kadahilanang inaayos ko na ang pagkakasunod-sunod nito. Actually ang post na ito ay isang test lang kung maayos kung nailagay ang lahat...hahaha..

Isang araw na rin ang nakalipas matapos ang pasko ngunit kahit huli na, nais ko pa ring bumati ng MERRY CHRISTMAS at PROSPEROUS NEW YEAR sa inyong lahat....

2nd EB kwento

2004-11-21T13:00:00.000+08:00

PEYUPi EB KWENTO

Narinig niyo na ba ung kasabihang.."kapag nasarapan e..inuulit-ulit at hinahanap-hanap" well, ganyan talaga siguro kapag nasarapan ka sa una, kaya hahanap-hanapin mo na ang ikalawa.

ganyan yata talaga....

kaya ayun, nagkaroon ng 2nd EB ang PEYUPi hehehe...at hahayaan kong ang mga imahe ang magkwento ng lahat...

mga tauhan

marco sison ikaw ba iyan? ah hindi si irvine yan! birit king!

"isang mapagpalayang hapon...kantahan tayo!

princess di pa nga tayo kumakain tulog ka kaagad..hehehe

love team of the year!

tiyak na may pangatlo pa yan!

Para sa iyo

2004-11-14T17:18:00.000+08:00

Para sa iyo

Sana ay maintindihan mo ang aking ginawa. Ito ay paraan ko para tuluyan nang makapag move-on. OO, tama ang iyong nabasa, MOVE-ON, ngayon ko lang yan inamin sa iyo kasi ayokong isipin mo na nasaktan ako sa mga nangyari. Ayokong isipin mo na mali ang sinabi ko. Ayokong isipin mo na mahina ako at di kayang panindigan ang lahat ng ginawa ko. Ayokong isipin mo.

Ilang gabi rin akong umiyak ng palihim sa bawat gabing naaalala ko ang nakaraan. Ilang linggo rin akong nalungkot sa tuwing naalala kang luhaan. Ilang buwan din akong balisa sa tuwing nakikita ang iyong mga matang tulala at ilang taon din akong ganito palihim na nalulungkot at umiiyak dahil sa iyo. Ilan?

Marahil di ka naniniwala kasi madalas mo akong makita na masaya noon na para bang walang nangyari pagkatapos ng ating relasyon. Madalas mo akong makitang humahalakhak pagkatapos ng isang pagtitipon. Madalas mo akong makitang tumatawa pagkatapos ng klase natin sa maghapon at madalas mo akong makitang nakangiti sa bawat iyong paglingon. Madalas mo akong makita.

Lumipas na ang ilang taon, masaya ka na at masaya na rin ako. Nakamove-on kana at hindi pa rin ako. May bago ka nang karelasyon at masaya na rin ako. Ilang beses ko ring sinabi sa iyo na masaya ako sa lahat ng magiging desisyon mo. Nakangiti pa nga ako habang sinasabi iyon sa iyo at ngumingiti ka rin bilang ganti sa pagngiti ko. Madalas din kitang itext noong may cellphone na ako at madalas ka namang magreply sa mga text ko. Madalas din.

At ngayon, isang desisyon ang aking gagawin na alam kong gustong gusto mo rin. Maging maligaya nawa tayo sa ating pagbitiw at kanya kanya nating tuparin ang pangarap nating gustong marating. Nais ko rin namang patunayan na kaya kong marating pinangarap ko minsan. Pangarap para sa aking pamilya at sa pamilyang aking bubuuin. Lumakad na tayo ng pasulong at kamtin ang mga pangarap...At kung sa pagtahak natin sa daan ay muli tayong magkita, hayaan mong tuparin ko minsan kong sumpa..ang mailibre man lng kita--sa JOLLIBEE ba pwede na?

[ANG SAPOT NA NAGUUGNAY SA DUGONG PUPIANS..]

2004-10-31T17:22:00.000+08:00

[ANG SAPOT NA NAGUUGNAY SA DUGONG PUPIANS]

haay!!! ang aga pa ah...maka-internet nga...

[::Welcome to PEYUPI.com - Version 4:: ]

user name:
vivenz
password:
********

login Register

[forgot password ] [register } [log-in as visitor ]
[history ] [credits ]

connecting to peyupi.com...................................

waiting for peyupi.com.....................................

transferring data from peyupi.com..........................

done..

Welcome!

Lounge

Peyupi All topic of discussion is free for all
[send ][refresh ]

vivenz - hi peepz... (",)> andi2 nanaman ako as usual, pasilip silip lng..wala, ganun talaga eh..busy sa work alam nio na...well sa totoo lng nagbubusy-han lng minsan pero minsan talagang seryosong-busy talaga...

buhay na naman ang lounge..mas madalas sa umaga ako maglog-in mga before 8 am online na ako..andito na kasi ako sa office ng mga oras na un. Well, member ako ng online community na ito since September 11 of this year. Siempre kailangan ng history, nagchecheck ako ng emails ko noon and one message ang nasa inbox it was from Peyupi "robot" hehehe basta galing sa electronic peyupi and iniinvite ako na magregister muli sa peyupi online. Sabi ko sa sarili ko aba buhay pa pala ito. Kung hindi ninyo naitatanong member na ako ng 3rd version nito Peyupi.tk pa ang domain. Naalala ko ang avatar pa noon e ung pipili ka pa..si spongebob ang gamit ko pero napansin marami pala kaming ganun din ung avatar. Hindi pa gaanong pinansin noon kasi di masyadong interactive at hinahanap hanap ko noon ung parang peyups.com na articles ang laman. Kaya hindi ako naging active noon pagkatapos nakalimutan ko na....Hanggang dumating nga ang araw na iyon Sept. 11, 2004, sa inbox ko, sa message ko, sa pagclick ko....AYUN..

PEYUPI.com - An Online Community Website - Netscape

halos ilang buwan narin makalipas ang araw na iyon. Marami ng nangyari. Marami ng FRIENDS ang nai-add, marami nang TOPIC ang nareplyan, marami nang ARTICLES ang kinomentuhan at siempre marami na ring POINTS ang na-EARN. Kaya rin mas binalik-balikan ko ito kasi exciting ung lounge...online chat ng PEYUPI.com...

Nagumpisa ako bilang NEWBIE, siempre lahat naman, wala pa akong points noon. From zero to 19 medyo masipag sa pagrereply sa TOPIC at pagko-Comment sa mga Articles at pakikipagchat sa LOUNGE. After earning my 20th points, ABA! naging COPPER ako..nasa ibang level na ako ng pagiging member ng PEYUPI medyo mayabang na ako noon, paano ba naman hindi..eh iba na ang kulay ko sa LOUNGE ... kesa nung nagstart ako na puting puti...dahil sa sobra kong kasabikan mas lalo pa akong nagsipag makaEARN ng POINTS...hindi sa work nyak..hehehe (joke lng). Hanggang naging BRONZE na ngayon.

Pero hindi rin lng naman points ang habol ko...gusto ko rin makaEARN ng mga NEW FRIENDS..Kung dati rati kinacareer ko ang FRIENDSTER ngayon..sa PEYUPI.com na..may features rin kasi ito na parehas nang sa FRIENDSTER mas interactive pa kasi maabutan mo sila sa chat room ng PEYUPI...

Nakilala ko sina Renneth "the master" Suarez ang lumikha ng onlyn na komunidad, sina Clark, Konsento, Rozhette, mga masisipag na MODERATOR na nagbubura ng mga basura sa PEYUPI sa madaling salita mga Janitor...pero ito walang bayad..."CHARITY". At tuwing nakaonline ako sina Aleli (saludo ako d2), Kateshan, Lourdz, Princess, akiss, ady, Mackoy, lhye, alfie at myka ang madalas kong makaulayaw sa LOUNGE..maliban pa siempre sa mga JANITOR este mga masisipag na moderator ng PEYUPI.com. Sina Leigh at Jlagnayo naman ang mga ekonomista nating miembro ng PEYupI.com. Si Leigh na sikat sa mga taga-ECON at si Jlagnayo na naghahanap ng kasintahan sa LOUNGE hahaha..(iba ka pare..)

At nito ngang October 29, 2004 ganap na 8 ng gabi kasabay ng magdamagang lasingan sa MEGAMOL ay idinaos namin ang aming kauna-unahang UNOFFICIAL EB..nagkita kita rin kami sa mata..ng mga kasamahan natin sa PEYUPI...kung dati rati puno ang LOUNGE noong mga oras na yaon puno ang TRIPLE V...at kulang ang tao sa ACCENTURE...dami kasi taga-ACCENTURE na PUPIANs..hehehe.. Nagkasayahan..Nagkalokohan...at siempre Nagkainan...May isang game din na inihanda si CLARK and courtesy ito ng host company "ACCENTURE" hehehe JOke! Ang game ay tinawag na PEYUPIAN BINGO.. dito ay bibigyan ng 5 minuto ang lahat para paramihin ang autograph ng isang bingo sheet. Ito ay naglalayon na rin na magkakila-kilala ang PEYUPIAN community..at ito ang aking napa autograph..at kung bakit sila...:

Cute and CHUBBY - si GANDA bakit? basta cute sia

Has a calendar - Mackoy, bakit? dala yata nia ung calendaryo ng MERCURY

mukhang GENius - Leigh, siang tunay...di lang mukha..nagpafacial pa..hehehe sabi ni alfie..

tall, dark and pwede na - si Allan ang supporter, sabi ko nga sa kanya LOVER BOY..

kilabot ng PUP - clark hahaha ito ang tunay na kilabot...nakatanggap pa ng love letter

close up smile - alfie siempre mawawala ba si alfie sa close up smile sa camera

with dimples - si leniel ung boyfriend ni maria kenneth...hehehe si leniel ung mayari ng user name na nanalo sa timpalak na ito.

malaki ang - si renneth...natural...malaki..hehehe

ayan ung iba di ko na naoccupy ang bilis ng oras ...

MASAYANG KARANASAN...IBANG KLASENG KASIYAHAN DULOT NG PAKIKIPAGSAPALARAN SA SAPOT NA NAGUUGNAY SA MGA DUGONG PUPIANS.

LOG OUT.......

SIGN-OUT

YOU HAVE SUCCESSFULLY LOG OUT

[BACK TO LOG-IN PAGE?]

ALAMAT NI VIVENCIO...

2004-10-10T16:41:00.000+08:00

ALAMAT NI VIVENCIO

"Ha! beinte uno na ako?"

Ang mga katagang yan ang gusto kong sabihin pag tuntong ng 7:oo ng gabi bukas. Sabi ng nanay ko gabi daw ako pinanganak at alas siete daw ito ng gabi Oktobre 11, 1983. Medyo magulo daw ng mga panahong iyon kasi ilang buwan palang namamatay si NINOY. Madalas daw ang black out. May swerte din naman ako kahit papaano kasi nung daw araw na ipapanganak ako e dapat daw eh magpapacheck up lang siya. Alam mo na pre-natal check up, sa Ospital ng Bagong Lipunan daw ito actually hindi naman daw dun nagpapapre-natal ang Nanay ko basta lang daw pumunta sila dun tapos bigla nalang inanounce ng Doctor na lalabas na daw ako. Siempre ito namang Nanay ko medyo may halong gulat pa at kaba kahit pangalawa nya na akong sanggol. Iniisip ko tuloy ung sitwasyong iyon siguro ganito:

Doktor: (habang may kinakalikot ako) Misis, may dala ho ba kayong baro-baruan ng bata at mga lampin na din kasi mamaya-maya pa eh isasalang ko na kau sa natal room.
Nanay: (medyo kabado kahit pangalawa na) ho! manganganak na ho ako, naku eh magpapacheck-up lang po sana ako eh....
Doktor: Naku, Misis kong uuwi pa kayo nian baka abutan pa kayo sa daan.
(naku muntik pa akong maging ipanganak sa EDSA nyek! baka pagpiyestahan pa ako dun ng mga bus driver at konduktor pati na pasahero...nako baka PASCUAL LINER pa yan ah!)
Nanay: O Sige ho! (hay salamat buti na lang sa Ospital ako pinanganak)kakausapin ko lang ho ung asawa ko.
AT nagusap nga sila ng aking Ama.
NanaY: TAy! sabi ni dok manganganak na daw ako mamaya-maya.
TataY: (siempre cool si Tatay di gaano nagpahalata ng pangamba) Ah ganun ba.. O sige bibili n lng ako ng kakailanganin. Tawagin ko na rin ung sister ko si Linda para in case na tagalan ka dito may magbabantay sa iyo. Papasok pa ako sa trabaho eh.. (o diba cool)
NanaY: Ano Iiwan mo ako?..
TaTay: ah hindi naman..in case lng na tagalan ka.
NanaY: Ah gaNO.....N Ven..mukhang manganganak na yata ako.. humihilab na...aray..ARAY...
(siguro naglulumikot ako ng mga oras na iyon gusto ko na siguro talagang lumabas...)
TataY: nakU nurse...dahil na natin ang asawa ko sa Natal Room manganganak na daw sia. Bilisan natin.. dali..

Ganap na 7:10 ng gabi..

Nkalabas ako ng maaliwalas...siguro kinaumagahan tulog ung Nanay ko at ang TAtay ko lang ang gising na sa piling na ako ng aking Ina sa may bandang kaliwang bisig. Medyo himbing ako nun...ng biglang pumasok ang Nurse na siyang kumukuha ng records ng mga sanggol na ipanganak na araw na iyon. At dahil nga sa ang TAtay ko ang gising ang Tatay ko ang pinagtanungan ng magiging pangalan ng bagong silang na sanggol....

Ganito siguro ang eksena..

Nurse: Magandang umaga ho.. (medyo mahina ang boses kasi tulog pa ako at tulog din ang aking Ina) Wow..ang cute naman ng baby boy na iyan...(eheemm..!!!)
TAtay: Siempre mana sa Ama.. (medyo nakangisi)
Nurse: Sa registrar po ako..tatanong ko lang ho kung pang ilang anak nio na iyan.
Tatay: Pangalawa, ung una lalaki din.
Nurse: Ano po ang pangalan ng BATA...
(ito na ang tagpo..... medyo nagisip pa ng unti ang Tatay Ko.. naalala nia daw ung LOLO ko..at ang kanyang mga ninuno ewan ko ba? hehehe)(medyo slow mo ung tagpo..habang ibinubuka ng tatay ko ang kanyang bibig para magsalita...unti-unti namang dumidilat ang mga mata ng aking Nanay halos magkasabay ang pagbigkas at pagmulat ) ....AT

TATAY: VIVENCIO A. ANES JR. (at iyon nagawa nga nia! hehehehe COOL!)

d ko na alam ang mga sumunod na tagpo...

hahaha nakakatawa talaga minsan ang buhay ....

FISCAL CRISIS: SERYOSO ito...

2004-10-10T15:21:00.001+08:00

FISCAL CRISIS: SERYOSO ITO...

Minsan talaga kahit hindi ka sanay magseryoso kailangan mong gawin kasi ito ang hinihingi ng pagkakataon. Ang pagkakataong magbigay ng sariling kuru-kuro ukol sa napapanahong isyu. Minsan nga kahit sa mga tambayan, lugar inuman at mga kanto kanto na kung dati ay istorya ng kapitbahay ang bida ngayon ay ang krisis ng Pilipinas ang paksa at napaguusapan. Kanya kanyang paliwanag sa problema ng bansa ayon sa kanilang karanasan at nalalaman.
Eh sino ba naman ako para hindi makisali.... isa rin akong Pilipino at apektado ako sa nagaganap na ito.
Nung isang buwan lumabas ang balitang ang bansa ay nasa krisis na ayon sa ating Pangulong Gloria Macapagal Arroyo ang Pilipinas ay nasa gitna na ng isang FISCAL CRISIS.
Fiscal Crisis???
Naniniwala ako na kung nais natin resolbahin ang problema kailangan muna nating alamin kung ano talaga ang problema. Ano nga ba ang Fiscal Crisis? Ito ay ang pagkakaroon ng problemang pinansyal ng isang nasyon na maaring makaapekto sa pakikipagkalakal nito. Sa pagkakataong ito ang Pilipinas ay dumaranas ng problemang pinansyal (ang utang ng pilipinas mapa-panloob at panlabas ay umabot na ng 3.36 trillion pesos na ang katumbas ay 78% ng GDP o ang kabuuang kita ng economy sa buong panloob na kalakal) na "maaaring" maging sanhi ng paglubog ng ekonomiya (dahil kung magdedeklara ang pilipinas ng default o di pagbabayad sa kanyang mga utang maapektuhan ang ating ekonomiya-mawawalan ng tiwala ang investor, magsasara ang mga negosyo dahil sa walang mahinang pangangalakal, hihina ang piso laban sa dolyar at mawawalan ng trabaho ang maraming mamamayang pilipino).

Ngayon, medyo alam na natin ang kung ano ang “fiscal crisis” pero mayroon pa ring mga katanungan. Tayo nga ba ay nasa gitna ng krisis o hindi pa? Ang kasagutan ay OO tayo nga ay nasa krisis na. Ayon sa depinisyon ng CRISIS -a crucial stage or turning point in the course of something e.i "after the crisis the patient either dies or gets better"; situation of extreme danger or difficulty;
kung hihimayin ang depinisyon ng crisis ito ay nakatuon sa isang critical na estado (turning point) na maaring humantong sa isang pangyayari na maaring masaklap o maayos.Ang kahihinatnan ay nakadepende sa kung anong anong aksyon ang gagawin ng gobyerno. Kaya’t
narito ang ilan sa mga rekomendasyon ng mga UP Professors, may-akda ng "The deepening crisis: the real score on deficits and the public debt" (11 UP professors). Ang mga sumusunod ay mabisang paraan para maresolba ang krisis:

1.bawasan ng 50% ang country-wide devt. fund o mas kilala sa tawag na pork barrel ng mga kongresista.(makakatipid ng 10.7 bilyon piso)

2.bawasan ng 30% ang Internal revenue allotment- ang perang inilalaan sa mga siyudad at municipality (tipid ng 35.2bn piso)

3. dagdagan ang vat rate ng 10-12% (3.2 bn piso)

4.dagdagan ang bayad sa motor and vehicle fee (2bn piso)

5. Specific taxation sa tobacco and alcohol (14 bn piso)

6. 8% dagdag sa excise tax sa mga vehicle(3.2 bn piso)

7. P2 specific tax sa petrolyo (12 bn piso)

8. closing off tax leaks sa BIR (12.4 bn piso)

9. at iba pa paraan (10.3 bn)
KABUUANG TIPID:124.8 bn piso

Kung mapapatupad ang mga nasabing rekomendasyon ay maaring malagpasan natin ang krisis na ito nang buhay at humihinga (hehehe!)kung mapapansin niyo lahat ng mga nabanggit na solusyon ay nasa aspetong Macro o aggregate. Ito ay ang mga inaasahang gagawin ng gobyerno (kaya medyo inaasahan lang malabong ipatupad).
Ang lahat din ay inaanyayahang kumilos para sa pagresolba ng problemang Fiscal. Nung mga nakaraang buwan medyo napansin natin ang ilang kongresman na nagpaligsahan este nagbigay ng kanila kanilang pigue este pork barrel fund para sa bansang may sakit.
Pero ano naman ang magagawa ng katulad kung simpleng mamamayan lang ng bansa..? Narito naman ang aking mga maliliit na rekomendasyon...wag masyado magulat sa mga inirekomenda sumunod na lang kayo.

1. bilang isang estudyante lalo na ng PUP, pinapayuhang ko kayong mag-aral ng mabuti. Paano? alam ko alam mo na sagot dyan.
*Punta sa library-magbasa ng libro kung walang ang librong nais, pumunta sa Recto pinakamahusay na libro sa presyong abot kaya.....
*Magpaturo sa kaibigang matalino- kung ayaw niya sabihin mo ililibro mo siya ng lugaw "eat all you can" pa (applicable lng sa mga PUP student). Hindi ko maipapayong makinig palagi sa prof. kc d ako sure dun.
(ano ang koneksyon nito sa paglubog ng ekonomiya? simple lang ikaw na tumatagal ng higit 4 na taon sa PUP kong mahal ay nakakasagabal sa milyong milyong batang pilipinong gustong mkapagaral sa kolehiyo ngunit d kaya dahil sa unti lang ang kapasidad ng PUPng mahal na magpaaral dahil sa budget nito.
2.Sumunod sa batas trapiko. (sa mga dumadaan ng cubao pinapayuhan ko kayong sundin ang tamang lokasyon ng pagsakay huwag lulusot sa railings, tumawid sa ped lane, tumawid sa foot bridge, umihi sa mmda c.r. at magbayad sa jeep at bus na sasakyan. (ano koneksyon-simple! ang mmda ay may nakalaan na budget na bigay ng gobyerno kung marami ang hindi tumatawid sa mga ped lane, foot bridge at di sumasakay sa tamang sakayan mapipilitan si BF na lagyan ng kung ano anong kolorete ang tawiran para ito ay mapansin mo at doon tumawid makakadagdag ito sa hihinging budget ng MMDA. Pwede rin itong maging sanhi ng korupsiyon- kung ang isang ahensya ng pamahalaan ay huming i ng budget para sa garbage can sa kadahilanang si juan ay laging ngkakalat sa kalsada ngunit magkano lang naman ang isang yon subalit humingi sila ng isang milyon sa isang garbage can pinakahigh tech daw kc ung tipong hawak mo palang ung kalat kukunin na sa iyo un nga lang pinagbawal ng supreme court ung developer kc kamaganak ni chairman!-so pwede nating maconclude na maaari rin tayong maging sanhi ng korupsiyon.
3. Magbayad ng pamasahe sa DYIP, BUS, at iba pang pampublikong sasakyan- bakit? Bawal ngayon ang mga FREE RIDERS...

Simple lng! at least nasabi mo sa sarili mo may naitulong ka para sa bansa mo... aminin natin di tayo si Superman, si batman o kaya si Bill Gates na kayang resolbahan ng madalian ang problema natin, lalong hindi tayo si EDDIE GIL para bayaran ng buo ang utang at bigyan ng milyon bawat isang pilipino, tayo ay mga pangkaraniwang pilipino na nais guminhawa kaalinsabay sa pagtahak ng bansa natin sa kaginhawaan.

Minsan kahit na sa panahon na kailangan lahat ay seryoso, kailangan mo pa ring tumigil at huminga ng malalim, paminsan minsang ngumiti at kalimutan ang problema, pinapayuhan ring tumawa at magjoke hanggat maaari,
kung hindi
PAPANGIT KA! hahahahaha sige tawa pa...tawa pa...(oi ayaw pumangit...hehehe)

PINOY AKO

2004-09-12T17:46:00.002+08:00

PINOY AKO!

oi! psst...oi.. ikaw nga lilingon ka pa sa iba eh ikaw lang tao d2 maliban sa akin siempre hehe.. oh sandali may itatanong lang ako sayo sandali lang i2. Wag ka mag-alala di mo na kailangan gumamit ng calculator para masagot ito o kaya scratch paper basta madali lang i2, simple lang naman ito pare. Ang katanungan ko ay ito,
"kung bibigyan ka ng pagkakataon na baguhin ang nasyonalidad mo ngyn, pipiliin mo pa rin bang maging pilipino? pipiliin mo parin kayang maging isang pinoy......

siempre isa lang naman isasagot mo diba? ANG MAGING AMERIKANO O KAYA HAPON O KAYA EUROPEANO AT KUNG ANO ANO PANG LAHI BASTA HINDI LANG PILIPINO...
pero sana bago ka pumili kung anong magandang lahi basahin mo muna ito. Marahil nabasa mo na ito kung saan o kung hindi man sana basahin mo at namnamin ang laman at saka ka magdecide kung ano ang gusto mo!

Sinulat ito ni Michael L. Tan sa kanyang column sa inquirer di ko alam kung anong petsa sana magustuhan mo.

World without Filipinos

ONE morning Californians wake up to find a third of their population has suddenly disappeared. Speculation is rife on what might have happened: was it biological warfare, or a UFO abduction en masse? Eventually, officials declare a state of emergency. The problem is that the disappeared are all Mexican. The state's activities grind to a halt.
Don't worry though, all that is part of a film, "A Day Without Mexicans (Un Dia Sin Mexicanos)," which is making waves now in California.
I'm going to have to confess that because of the terribly tight work schedules I'm having here in the States, I haven't been able to see the film. I'm resigned to having to wait a few more months to catch the film on DVD, but Kathy, a Gringa [American] friend, gave me enough of a description, and a rave review, to give me an idea for today's column.
Let's imagine then, not just California, but the entire world, waking up one day to discover Filipinos have disappeared. I'm talking here about the six or seven million Filipinos currently working overseas in countries with names that run the entire alphabet, from Angola to Zimbabwe. Let's not worry first about why or how the Filipinos disappeared; in fact, it becomes academic whether it's a day or a week. Just imagine a world without Filipinos.
Think of the homes that are dependent on Filipino housekeepers, nannies, caregivers. The homes would be chaotic as kids cry out for their nannies. Hong Kong and Singaporean and Taiwanese yuppie couples are now forced to stay home and realizing, goodness, there's so much of housework that has to be handled and how demanding their kids can be and hey, what's this strange language they're babbling in?
It's not just the children that are affected. The problems are even more serious with the elderly in homes and nursing institutions, because Filipino caregivers have provided so much of the critical services they need. When temporary contractual workers are brought in from among non-Filipinos, the elderly complain. They want their Filipino caregivers back because they have that special touch, that extra patience and willingness to stay an hour more when needed.
Hospitals, too, are adversely affected because so many of the disappeared Filipinos were physicians, nurses and other health professionals. All appointments for rehabilitation services, from children with speech problems to stroke survivors, are indefinitely postponed because of disappeared speech pathologists, occupational and physical therapists.
Eventually, the hospital administrators announce they won't take in any more patients unless the conditions are serious. Patients are told to follow their doctors' written orders and, if they have questions, to seek advice on several Internet medical sites. But within two days, the hospitals are swamped with new complaints. The websites aren't working because of missing Filipino web designers and website managers.
Service establishments throughout the world -- restaurants, supermarkets, hotels -- all close down because of their missing key staff involved in management and maintenance. In Asia, hotels complain about the missing bands and singers.
In the United States, many commercial establishments have to close shop, not just because of the missing Filipino sales staff but because their suppliers have all been sending in notices about delays in shipments. Yup, the shipping industry has gone into a crisis because of missing Filipino seafarers.
The shipping firms begin to look into the emergency recruitment of non-Filipino seafarers but then declare another crisis: They're running out of supplies of oil for their ships because the Middle Eastern countries have come to a standstill without their Filipino workers, including quite a few working for the oil industry.
Frantic presidents and prime ministers call on the United Nations to convene a special session of the Security Council but Kofi Annan says he can't do that because the UN system itself is on the edge, with so many of their secretarial and clerical staff, as well as translators, having disappeared from their main headquarters in New York and Geneva, as well as their regional offices throughout the world. Quite a number of UN services, especially refugee camps, are also in danger of closing down because of missing Filipino health professionals and teachers.
Annan also explains that he can't convene UN meetings because the airports in New York, Washington and other major US cities have been shut down. The reason? The disappeared Filipinos included quite a few airport security personnel who used to check passengers and their baggage.
Annan calls on the World Bank and international private foundations for assistance but they're crippled, too, because their Filipino consultants and staff are nowhere to be seen. Funds can't be remitted and projects can't run without the technical assistance provided for by Filipinos.
An exasperated Annan calls on religious leaders to pray, and pray hard. But when he phones the Pope, he is told the Catholic Church, too, is in crisis because the disappeared include the many Filipino priests and nuns in Rome who help run day-to-day activities, as well as missionaries in the frontlines of remote posts, often the only ones providing basic social services.
As they converse, Annan and the Pope agree on one thing: the world has become a quieter place since the Filipinos disappeared. It isn't just the silencing of work and office equipment formerly handled by Filipinos; no, it seems there's much less laughter now that the Filipinos aren't around, both the laughter of the Filipinos and those they served.
I know, I know, I'm exaggerating the contributions of Filipinos to the world but I'm doing what the producers of "A Day Without Mexicans" had in mind: using a bit of hyperbole to shake people up. As their blurb for the film goes: "How do you make the invisible, visible? Make them invisible."
As I wrote this column, I did realize I was doing this not so much for the Hong Kong Chinese and Taiwanese and Singaporeans and Americans who don't appreciate us enough, than for us, who as Filipinos, are pretty good at putting ourselves down, at making ourselves invisible.

BAGO..... 2!

2004-09-03T12:22:00.000+08:00
ang lahat ay nagbabago... ikaw, ako, tatay mo, tatay ko, nanay mo, nanay ko, ate mo, kuya ko at dahil diyan pati itong website ko nagbago.... hehe! isang bagong simula na di ko alam kung kelan magwawakas... basta nagbago un lang malapit ko nang matapos to..
maghintay na lang kaU.

vivenz|iSKOLAR

ViVENZ [dot]PEYUPi.com

VIVENZ

+

[dot]PEYUPi.com

=

vivenz.PEYUPi.com

OO! LUMIPAT NA AKO NG BAHAY AT AKO AY INAMPON NG SINTANG SAYBERSPEYS NG PEYUPi.com! SALAMAT SA BLOGGER! KITA TAYO DUN!

UNDER CONSTRUCTION!

UNDER CONSTRUCTION!ABANGAN! ang PAGBABALIK!

MADUGO

MADUGO

VALENTAYNS

VALENTAYNS

BADDICTS

BADDICTS

BUSOG

BUSOG

tuwa

TUWA

LUMBAY

LUMBAY

Inuman sa Kapaskuhan!

Inuman sa Kapaskuhan!

Ako daw

UHMM..AKO DAW ITO..

PLUGGING

PLUGGING

magBLOG!

Kapag Walang Magawa, magBLOG!

UMUUTOT DIN BA ANG ISDA? ni BatJay

blogger archiving

SALAMAT sa ARCHIVING ng BLOGGER!

2nd EB kwento

PEYUPi EB KWENTO

mga tauhan

Para sa iyo

Para sa iyo

[ANG SAPOT NA NAGUUGNAY SA DUGONG PUPIANS..]

[ANG SAPOT NA NAGUUGNAY SA DUGONG PUPIANS]

ALAMAT NI VIVENCIO...

ALAMAT NI VIVENCIO

FISCAL CRISIS: SERYOSO ito...

FISCAL CRISIS: SERYOSO ITO...

PINOY AKO

PINOY AKO!

BAGO..... 2!

UNDER CONSTRUCTION!

ABANGAN! ang PAGBABALIK!